Secret heart

Jamm. Skellti mér á tónleika með Ron Sexsmith á Loppen í Kristjaníu á mánudagskvöld. Við Beggi vorum mættir í bæinn vel tímanlega, þannig að það var lítið gaman að því að húsið opnaði ekki fyrr en 21.00. Og tvö upphitunaratriði. Fyrst var einhver tappi sem var svosem nógu hress, en ekkert sérstaklega skemmtilegur. Svo mætti á svið stúlka að nafni Sara Slean. Sú spilaði á píanó og söng svona líka vel. Hún fékk fullt af rokkstigum. Svo steig Ronninn á svið. Hann verður nú seint talinn rokkaralegasti maðurinn í bransanum. Mér fannst hann koma þokkalega út. Reyndar mun betri þegar hann var ekkert að keyra tempóið úr hófi fram. Það voru nokkur lög í rokkkantinum sem ég var ekkert hrifinn. Sumsé, drengurinn góður í það heila og spilaði í næstum klukkutíma og fjörtíuogfimm mín. Ekkert að því, nema að það þýddi næturstrætó heim. Er svo að bræða það með mér að fara á Whitesnake á fimmtudagskvöld. Væri traust að kanna hvort að þeir séu enn jafn traustir og í Reiðhöllinni forðum daga.

Sem auðvitað minnir mig á þegar ég og Kiddi K vorum að keyra heim af þeim tónleikum. Á Volvo árgerð 1972. Og teknir fyrir of hraðan akstur á milli Reykjavíkur og Mosfellsbæjar. Held að bílinn hafi þá í eina skiptið farið yfir löglegan hámarkshraða, algjörlega óvart auðvitað.

Uss. Er alveg að gefast upp á þessu körfuboltabrölti. Við spiluðum um helgina, þar sem ég var með í tveimur leikjum á laugardegi. Lítil afrek unnin þar, annað en að meiða mig á höndum, fótum og kjálka. Heilbrigð sál í hraustum líkama, mæ es. Þetta hefur auðvitað ekkert nema meiðsli í för með sér. En það mætti svosem segja að ég sé seinn að læra, þar sem ég er búinn að stunda það að meiða mig í næstum 20 ár. Það fer að koma tími að hætta.

Var í alveg bærilegu innflutingspartíi hjá Ernu,Viggu og Kristínu. Þar droppaði fólk inn fram eftir nóttu, og var svo mikið stuð að þegar átti að kíkja í bæinn reyndist klukkan vera orðin fjögur. það kom reyndar ekki í ljós fyrr en í bæinn var komið, en það er auðvitað ekki verið að kippa sér upp við smámuni. Þess í stað var haldið á O's og etinn morgunmatur. Reyndar vorum við ekki alveg sammála um framburð nafnsins. Sumir vildu kalla hann Zero's en aðrir O's (eins og í Óli Prik). Á endanum ákváðum við að kallann Naught's.Frekar morkinn húmor, en nóg til að flissa eins og fífl þar um nóttina. Nóttin var svo enduð á næstum klukkutíma rölti eftir leigubíl. Í rigningu. Meiriháttar.

Lag dagsins, Always með Shea Seger og Ron Sexsmith. Ekki spurning.

Strutter

Þar kom að því. Herbergið mitt orðið tómt aftur, eða svo gott sem. Hrönn og Fernando komu í dag frá Portúgal, og varð ég því að skila mublunum Hrannar aftur. Svei og mórall. Nei, nei, þetta er ekki svo slæmt. Og svona til að bæta líðanina var mér boðið í mat til Ernu, Viggu og Kristínar. Fín íbúð sem þær stúlkur eru komnar í, niðri við Vesterbrogade. Þær voru svo elskulegar að þakka okkur Magga fyrir að hjálpa þeim að flytja. Mér fannst við koma út í plús úr þeim viðskiptum, honestly.

Ég er mjög sáttur að sjá fleiri og fleiri af vinunum detta inná Skype. Hlakka mikið til að púlla bestu Darth Vader röddina þegar ég heyri í Bjössa. Aaaiiiii....

Ég býst fastlega við að ég neyðist til að þramma í Ikea og versla mér nýtt rúm fljótlega. Helst það fljótlega að ég venjist ekki flísinni aftur. Það yrði hið versta mál. Ekki að ég eigi von á því, en spurning hvort að framtaksleysið eða löngunin að geta teygt úr sér ráði ferðinni.

Var að enda við að lesa yfir B.sc verkefnið hjá Bruno. Nokkuð gott hjá kallinum, þó að ég hafi verið nokkuð grimmur með rauða pennann. Þetta er auðvitað Argentínumaður, svo það er ómögulegt að ætlast til að hann skrifi ensku eins og maður. En á móti þá unnu þeir gull í körfu, þannig að maður gefur séns.

Varð hugsað til kennaraumræðunnar hjá Bjössa og Rúnu kvöldið áður en ég flaug út. Ég sé sjálfan mig alls ekki sem kennara, en ég get ekki neitað að ég hafði nett gaman af að fara yfir verkefnið. Spurning hvort að það var kvikindið í manni, eða hvað?

Er í lagi að vera bæði með Ace of spades með Motörhead og Guilty með Barböru Streisand á playlistanum? Mæ god. Og segja frá því? Held að það sé vert að sofa á því...

It's been awhile

Jæja....

Meiri letin við skriftir undanfarið. Kannski að maður geri smá tilraun til að komast í gang, þar sem skólinn er nú byrjaður og maður verður að hafa eitthvað annað að gera en að læra allann daginn. (Einmitt....)

Nú, ég mætti til DK þann 28. ágúst, eftir að hafa eitt tæpri viku í Rvík. Ágætisvika, bara að slappa af og horfa á ólympíuleikana. Var svo í mat hjá Bjössa og Rúnu í Kef ásamt Kidda og Unni kvöldið fyrir brottför. Súperkveld það. Skólinn byrjaði svo í síðustu viku. Líst ágætlega á þessa önn. Rafsegulfræði, Antenna theory og Remote sensing, ágætis bland í poka. Og svona þokkalega samhangandi. Aha, svo fékk ég loksins einkun fyrir sumarkúrsinn minn í Tékklandi. Fékk 10 fyrir það verkefni, sem ég er býsna sáttur við. Svo að þetta mjakast allt í rétta átt.

Ég byrjaði að æfa körfu aftur af krafti þegar ég kom út. Og á tveimur vikum er ég búinn að spila meiri körfubolta en allt síðast ár. Nokkuð gott. Við spiluðum fyrsta æfingaleik í gær, gegn Lyngby, og unnum 71-56. Kallinn setti 21 í gær, sem ég er bara sáttur við. Allt farið á reynslunni, auðvitað.

Brakandi blíða, og 15 dagar síðan ég drakk síðast kók. Magnað.