You go back, Jack, do it again

Meiri rólyndishelgin núna. Horfði á fjóra körfuboltaleiki í gærkvöldi. Býst svo við að horfa á aðra tvo í kvöld. Á morgun er sem betur fer ekki nema einn. Sem betur fer, þar sem ég á enn eftir að reikna heimadæmin í þessu eina fagi sem ég er að taka með lokaverkefninu. Og skil á mánudag.

Í dag spilaði ég svo síðasta leik ársins í körfunni. Við töpuðum, eins og vanalega. Meiriháttar gaman. Versta er, að mér var næstum sama. Það er varla við öðru að búast þegar við spilum svona slælega. Eigum ekki skilið að vinna.

Veðrið var að sjálfsögðu bara með tíser hér í vikunni þegar ég hélt að það væri að koma vor. Nei, nei. Byrjað að snjóa aftur. Hvaða vitleysa er þetta eiginlega?