Tugging at the Darkness

Fernando bauð okkur Begga til sín í gær að snæða og horfa á fótbolta. Við tókum boðinu auðvitað í hvelli. Inter-Porto var sýndur í beinni, og þar sem Fernando er frá Porto fannst mér tilvalið að halda með Inter. Það reyndist góð ákvörðun.

Ég er í dag búinn að þvælast milli fyrirtækja sem eru að kynna sig hér í skólanum. Þetta árið var ákveðið að taka messuna eilítið alvarlegar en áður, þar sem maður er nú að klára bráðum og þessháttar. Eins og alltaf er fullt af áhugaverðum fyrirtækjum. Reyndar er slatti af mun minna spennandi líka, en það er eins og við er að búast. Sérstaklega fannst mér ein stofnunin spennandi, og ég ætla pottþétt að sækja um hjá þeim. Það þýðir hins vegar að það þarf að rifja upp þýskuna. Úfff...

Lag dagsins: Out of the Sinking með Paul Weller.