Play the game

Síðasta föstudagskveld komum við nokkur saman til að spila Hættuspilið. Eins og sumir vita, þá er ég ekki mjög heppinn í þessu spili. Samt ákvað maður að gera heiðarlega tilraun til að rétta úr Hættuspils-kútnum. Til að gera langa sögu mjög stutta, þá tapaði ég með þvílíkum yfirburðum að annað eins hefur vart sést. Lá við að ég færi í fýlu og færi heim með boltann í miðju spili. Mig grunar að ég sé of heiðarlegur til að spila Hættuspilið. Spilið gengur auðvitað útá að vera vondur við náungann, og það passar manni ekki. OK, eða þá að maður fær alla upp á móti sér. Gæti líka verið það. Spurning um að spila Trivial Pursuit næst.